नमः शिवाय के पाँचों अक्षरों पर एक-एक श्लोक — आदि शंकराचार्य रचित। सोमवार, महाशिवरात्रि और नित्य शिव पूजन में।
नागेन्द्रहाराय त्रिलोचनाय
भस्माङ्गरागाय महेश्वराय।
नित्याय शुद्धाय दिगम्बराय
तस्मै "न" काराय नमः शिवाय॥
मन्दाकिनी सलिल चन्दन चर्चिताय
नन्दीश्वर प्रमथनाथ महेश्वराय।
मन्दार पुष्प बहुपुष्प सुपूजिताय
तस्मै "म" काराय नमः शिवाय॥
शिवाय गौरी वदनाब्ज वृन्द
सूर्याय दक्षाध्वर नाशकाय।
श्री नीलकण्ठाय वृषध्वजाय
तस्मै "शि" काराय नमः शिवाय॥
वसिष्ठ कुम्भोद्भव गौतमार्य
मुनीन्द्र देवार्चित शेखराय।
चन्द्रार्क वैश्वानर लोचनाय
तस्मै "व" काराय नमः शिवाय॥
यक्षस्वरूपाय जटाधराय
पिनाकहस्ताय सनातनाय।
दिव्याय देवाय दिगम्बराय
तस्मै "य" काराय नमः शिवाय॥
॥ फलश्रुति ॥
पञ्चाक्षरमिदं पुण्यं यः पठेच्छिव सन्निधौ।
शिवलोकमवाप्नोति शिवेन सह मोदते॥
